Қарағандыда полиция қызметкерлері прокуратураның қолдауымен балалар мекемесінің тәрбиеленушілерінен ақша бопсалаумен айналысқан ұйымдасқан қылмыстық топтың жолын кесті, деп хабарлайды Zhaiyqmedia ақпарат агенттігі.
Құқық қорғау органдарының мәліметінше, күдіктілер жетім балаларды алдау, қорқыту және күш көрсету арқылы оларға тиесілі мемлекеттік жәрдемақыны иемденіп келген. Сонымен қатар жәбірленушілерді микроқаржы ұйымдарынан несие алуға мәжбүрлегені анықталды.
Соңғы жарты жыл ішінде келтірілген алдын ала шығын көлемі 10 миллион теңгеден асқан. Арнайы іс-шара барысында күдіктілерден оқ-дәрілер мен атыс қаруының оқжатарлары тәркіленді.
Қазіргі уақытта топтың барлық мүшесі ұсталып, соталды тергеу амалдары басталды. Олар 10 жылға дейін бас бостандығынан айырылуы мүмкін.
Фото: Polisia.kz
