Жаңаөзен қаласында жеті баланың анасы өз үйінде кісі қолынан қаза тапты. 44 жастағы әйелді өлтірді деген күдікке оның күйеуі ілінген, деп хабарлайды Zhaiyqmedia ақпарат агенттігі.
Полиция мәліметінше, ерлі-зайыпты арасында тұрмыстық жанжал туындаған. Қайғылы оқиға балаларының көз алдында болған.
«ҚР Қылмыстық кодексінің 99-бабының 2-бөлігі («Адам өлтіру») бойынша қылмыстық іс қозғалды. Қазір тергеу жүріп жатыр», — деп хабарлады Маңғыстау облысының полиция департаменті.
Аталған бап бойынша айыпты деп танылған адам 15 жылдан 20 жылға дейін бас бостандығынан айырылуы немесе өмір бойына сотталуы мүмкін.
Фото: Әлеуметтік желіден
