Қазақстанда әйелдердің зейнетке шығу жасы 2027 жылдың соңына дейін 61 жас деңгейінде сақталады. Ерлер үшін зейнет жасы өзгеріссіз — 63 жас, деп хабарлайды Zhaiyqmedia ақпарат агенттігі.
Алайда, 2028 жылдан бастап әйелдердің зейнет жасы жыл сайын алты айға кезең-кезеңімен ұлғая бастайды. Үкімет бекіткен кестеге сәйкес, өзгерістер төмендегідей жүреді:
— 2028 жылғы 1 қаңтардан бастап – 61,5 жас;
— 2029 жылғы 1 қаңтардан бастап – 62 жас;
— 2030 жылғы 1 қаңтардан бастап – 62,5 жас;
— 2031 жылғы 1 қаңтардан бастап – 63 жас.
Осылайша, 2031 жылы Қазақстанда ерлер мен әйелдердің зейнеткерлік жасы теңесіп, 63 жасты құрайтын болады.
