АҚШ ХАМАС-пен кепілдегілер бойынша келіссөз жүргізіп жатыр,-деп жазады Жайықмедиа.кз.
АҚШ президенті Дональд Трамп Вашингтонның ХАМАС ұйымымен кепілге алынғандарды босату үшін «өте терең келіссөздер» жүргізіп жатқанын мәлімдеді.
Оның сөзінше, Америка палестиналық топтан 2023 жылғы 7 қазанда тұтқындалған барлық адамды дереу босатуды талап етіп отыр. Трамп кейбір тірі деп саналғандардың қаза тапқан болуы мүмкін екенін де айтты, бірақ нақты дерек келтірмеді.
Ресми мәлімет бойынша, Газа секторында содырлардың қолында 48 адам қалып отыр, олардың 26-сы өлген деп жарияланған. Израиль билігі Трамптың мәлімдемесіне әзірге түсініктеме берген жоқ.
