Мемлекет басшысы Қасым-Жомарт Тоқаев Вашингтонда Америка Құрама Штаттарында тұрып, білім алып жатқан отандастарымызбен кездесті, деп хабарлайды Zhaiyqmedia ақпарат агенттігі.
Еркін форматта өткен әңгімелесу барысында Президент өскелең ұрпаққа үлкен үміт артатынын айтты. Сондай-ақ мемлекет жастарға ұдайы қолдау көрсетіп, олардың жан-жақты дамуына және қабілетін шыңдауға қолайлы жағдай жасайтынын жеткізді.
Президент наурыз айында Қазақстан Республикасының жаңа Конституциясы жобасы бойынша өтетін жалпыхалықтық референдумның ел болашағы үшін тарихи маңызы зор екеніне ерекше назар аударды.
Кездесуге жиналған студенттер мен жас зерттеушілер ғылым және білім саласына көрсетіліп жатқан жан-жақты қолдау үшін Қасым-Жомарт Тоқаевқа ризашылық білдірді.
Фото: Әлеуметтік желіден
