Давоста өткен форумда Қасым-Жомарт Тоқаев пен Дональд Трамптың арасында қысқаша әңгіме болып, онда Мемлекет басшысы АҚШ президентінің назарын Ақ үй таратқан ресми құжаттағы Қазақстанға қатысты дерекке аударды, деп хабарлайды Zhaiyqmedia ақпарат агенттігі.
Бұған дейін бірқатар БАҚ өкілдері Бейбітшілік кеңесінің Жарғысына қол қою рәсімінен кейін екі елдің басшылары не туралы сөйлескенін білгісі келген еді. Белгілі болғандай, кездесу барысында Қасым-Жомарт Тоқаев Давос форумында таратылған «Президент Дональд Трамптың 365 күн ішіндегі 365 жеңісі» атты құжатқа тоқталған.
Мемлекет басшысы аталған құжаттың 177-тармағында Қазақстанның Ибраһим келісімдеріне қосылуы АҚШ әкімшілігінің жетістігі ретінде көрсетілгеніне назар аударды.
Сонымен қатар Қазақстан Президенті Америка көшбасшысына ақыл-парасатқа негізделген ішкі саясатты жүргізуде табыс тіледі. Өз кезегінде Дональд Трамп Қасым-Жомарт Тоқаевқа Бейбітшілік кеңесін құру бастамасын қолдағаны үшін алғысын білдірді.
Фото: Әлеуметтік желіден
