Кеше хабарлағанымыздай, Қазақстанның президенті Қасым-Жомарт Тоқаев Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясына қатысу үшін Түрікменстанға барған еді. Бүгін конференцияның алдында оны «Аваза» конгресс-орталығында Түрікменстан Халк Маслахатының төрағасы Гурбангулы Бердімұхамедов күтіп алды, деп хабарлайды ZhaiyqMedia.

«Президент Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясының делегация басшыларын ресми қарсы алу рәсіміне қатысу үшін «Аваза» конгресс-орталығына келді. Қасым-Жомарт Тоқаевты Түрікменстан Халк Маслахатының төрағасы Гурбангулы Бердімұхамедов күтіп алды», — деп хабарлайды Ақорда.