Сурет: Egemen Qazaqstan
2-4 маусым аралығында Кипр Республикасының Президенті Никос Христодулидис Қазақстанға ресми сапармен келеді. Бұл сапар Мемлекет басшысы Қасым-Жомарт Тоқаевтың шақыруымен ұйымдастырылды, деп хабарлайды Zhaiyqmedia.kz ақпарат агенттігі.
Сапар барысында екі ел арасындағы саяси, экономикалық және мәдени байланыстарды нығайту мәселелері талқыланбақ. Кипр президентінің Қазақстанға келуі – екіжақты қарым-қатынастың жаңа деңгейге көтерілуіне жол ашады.
Біз Қазақстанмен ынтымақтастықты тереңдетуге мүдделіміз. Бұл сапар – екі ел арасындағы достық пен сенімнің айқын дәлелі, – деді Никос Христодулидис.
Ресми кездесулерде сауда-экономикалық ынтымақтастықты арттыру, инвестиция тарту және туризм саласындағы бірлескен жобалар қарастырылады. Сондай-ақ, халықаралық және өңірлік күн тәртібіндегі өзекті мәселелер бойынша пікір алмасу жоспарланған.
