Сурет: Egemen Qazaqstan
Ауғанстанның бірнеше провинциясында нөсер жаңбырдан кейін болған табиғи апаттан кемінде бес адам қаза тапты, деп хабарлайды Zhaiyqmedia.kz ақпарат агенттігі.
Елдің Табиғи апаттармен күрес жөніндегі ұлттық басқармасы су тасқыны, дауыл және көшкін жүргенін мәлімдеді. Ресми мәліметтерге сәйкес, соңғы 48 сағат ішінде қолайсыз ауа райы бірнеше аймаққа қауіп төндірді. Табиғи апат салдары Кабул, Забуль, Кандагар, Саманган, Тахар, Нангархар, Лагман және Кунар провинцияларында сезілген.
Адам шығынынан бөлек, табиғи апат елді мекендердің инфрақұрылымына үлкен нұқсан келтірді. Алдын ала есептелген материалдық шығындардың көлемі нақтыланбаған. Қазіргі уақытта жергілікті билік орындары апаттың салдарын бағалап, зардап шеккен өңірлердің тұрғындарына шұғыл көмек көрсету шараларын ұйымдастырды.
