Блогер Қайсар Қамза өзінің қамауға алынғаны туралы тараған ақпаратты жоққа шығарды. Ол қазір Вьетнамда екенін және ешқандай қамау болмағанын айтты, деп хабарлайды Zhaiyqmedia.kz ақпарат агенттігі.
Блогер әлеуметтік желідегі парақшасында жанкүйерлеріне арнап видео жазды. Онда ол: «Дұғада болыңыздар! Ешқайда қамалған жоқпын, Вьетнамда демаламын. Өтірік ақпарат таратпаңыздар», – деді.
«Менің қауіпсіздігім үшін уайымдамаңыздар. Барлығы жақсы, жай ғана демалыстамын», – деп қосты Қайсар Қамза.
Бұған дейін әлеуметтік желілерде блогердің Вьетнамда қамауға алынғаны туралы ақпарат тараған еді. Алайда Қайсардың өзі бұл хабардың шындыққа жанаспайтынын айтып, жанкүйерлерін сабырға шақырды.
