Әлеуметтік желіде бірнеше әскери қызметкер қатысқан онлайн-жиналыстың бейнежазбасы тарады. Видео авторларының айтуынша, оқиға Қызылорда облысындағы әскери бөлімде болған.
Кадрларда бөлім басшысы қол астындағы қызметкерге қатты дауыс көтеріп, қорқытып сөйлегені байқалады. Көпшілік бұл әрекетті этикалық нормаларға қайшы деп бағалаған.
Қорғаныс министрлігі жағдайдың шындыққа сай екенін растады.
“Бұл факт бойынша қызметтік тексеріс тағайындалды. Оның нәтижесінде тиісті құқықтық баға беріледі,” — деп хабарлады ведомствоның баспасөз қызметі.
Министрлік әскери ортадағы тәртіп пен этикалық талаптардың бұзылуына жол берілмейтінін атап өтті.
