Табиғи және тарихи нысандарды хайп үшін бүлдіру қымбатқа түсуі мүмкін. Полиция мұндай әрекеттерге заңды жауапкершілік қарастырылғанын ескертті.
Енді табиғатты немесе тарихи ескерткіштерді әдейі бүлдіргендер 8 миллион теңгеге дейін айыппұл төлеуге мәжбүр болады. Бұл шара әлеуметтік желілердегі хайп қуу әрекеттеріне тосқауыл қою мақсатында енгізіліп отыр.
Полиция өкілдері мұндай іс-әрекеттердің экологияға және мәдени мұраға зиян келтіретінін атап өтті.
«Табиғи және тарихи нысандарды бүлдіру – заңға қайшы. Кінәлілерге 8 миллион теңгеге дейін айыппұл салынады», – деді полиция өкілі.
Мамандар халықты табиғатты қорғауға және тарихи орындарға ұқыпты қарауға шақырады.
