2 қаңтарда еліміздің барлық аймағында дауылды алдын ала ескерту жарияланды. «Қазгидромет» мекемесінің мәліметінше, негізгі себептер — тұман, көктайғақ және бұрқасын.
Бұл ауа райы әсіресе жол қозғалысына және елдің солтүстік-батыс бөлігіндегі тұрғындарға қолайсыздық тудыруы мүмкін.
Бұл туралы Zhaiyqmedia.kz ақпарат агенттігі хабарлайды.
Синоптиктер Астана, Алматы, Ақтөбе, Атырау, Қостанай, Павлодар, Қарағанды, Өскемен, Семей, Тараз, Талдықорған, Қызылорда, Орал және Ақтауда көктайғақ пен тұман болатынын ескертеді.
Ал Ақтөбе, Солтүстік Қазақстан, Ақмола, Қостанай, Маңғыстау және Атырау облыстарында желдің екпіні 15–20 м/с-қа дейін жетуі, кей жерлерде бұрқасын соғуы мүмкін.
Астана мен Алматыда ауа райы қандай болады?
Астанада күндіз –7–9 °C, қар аралас боран мен көктайғақ күтіледі. Түнде -8–10 °C, әлсін-әлсін қар жауады. Желдің жылдамдығы – 2–7 м/с.
Алматыда күндіз +2+4 °C, кей кездері тұман түсіп, жолда көктайғақ байқалады. Түнде –1–3 °C. Жел – 3–8 м/с.
Шымкентте ауа райы салыстырмалы түрде жылырақ: күндіз +7+9 °C, түнде 0…+2 °C. Жел – 5–10 м/с.
Көктайғақта абай болыңыз
Мамандар жүргізушілер мен жаяу жүргіншілерді барынша сақтық шараларын ұстануға шақырады. Себебі көктайғақ салдарынан жол апаты мен жарақат алу қаупі жоғары.
