АҚШ президенті Дональд Трамп Ресей басшысы Владимир Путинмен тек Украина мәселесі бойынша бейбіт келісімге қол жеткізілетін жағдайда ғана кездесуге дайын екенін айтты.
“Уақытымды босқа жоғалтқым келмейді”, – деді Трамп журналистерге Air Force One ұшағында Оңтүстік-Шығыс Азияға бара жатып.
Трамптың мәлімдеуінше, бейсенбі күні ол Қытай төрағасы Си Цзиньпинмен кездесіп, Украинадағы соғыс пен Ресейге ықпал ету жолдарын талқылайды. Сонымен қатар, Трамп Қытайдың Ресей мұнайын сатып алуына шектеу қою мәселесін де көтермек.
