Қазақстанның тұңғыш президенті Нұрсұлтан Назарбаевтың жұбайы Сара Назарбаева ауруханадан шығарылды, деп хабарлайды Zhaiyqmedia ақпарат агенттігі.
Сара Назарбаева Алматыдағы Президент әкімшілігі медициналық орталығының халық арасында «Совминка» деп аталып кеткен Ұлттық ауруханасында ем қабылдаған.
Бұл ақпаратты тұңғыш президенттің баспасөз хатшысы Айдос Үкібай растады.
«Сара Алпысқызы бұған дейін ауруханаға жатқызылған болатын. Қаңтар айында ауруханадан шығарылды», — деді Айдос Үкібай.
Айта кетейік, Сара Назарбаева – «Бөбек» балалар қорының негізін қалаушы және президенті.
Фото: Әлеуметтік желіден
