фото пресс-службы МВД РФ

Ресейдің ішкі істер министрі Владимир Колокольцев 21 шілде күні Өскемен қаласына келді.

Оны Қазақстан ІІМ басшысы Ержан Сәденов қарсы алды. Министрлердің кездесу мақсаты – Қазақстан мен Ресей ІІМ арасындағы Бірлескен алқа отырысына қатысу.

Ресей ІІМ ресми өкілі Ирина Волктың айтуынша, отырыс барысында екі елдің ішкі істер органдары арасындағы іздестіру шаралары мен синтетикалық есірткі айналымына қарсы күрес салаларындағы ынтымақтастықтың қазіргі жай-күйі мен болашағы талқыланады.