Алматыда ауа райының күрт бұзылуына байланысты халықаралық әуежайда бірнеше рейс уақытынан кешігіп жатыр, деп хабарлайды Zhaiyqmedia ақпарат агенттігі.
Әуежай әкімшілігінің хабарлауынша, қаладағы метеожағдайдың нашарлауы ұшақтардың ұшып-қонуына кедергі келтірген. Осыған байланысты ұшып кететін бірқатар рейс белгіленген уақытынан кейінге қалдырылды.
Қазіргі уақытта әуежайдың барлық қызметі күшейтілген режимде жұмыс істеп жатыр. Мамандар күту уақытын қысқарту үшін барлық шараны қолдануда, алайда басты басымдық жолаушылар мен экипаж қауіпсіздігіне берілген.
Әуежай басшылығы жолаушыларға жолға шықпас бұрын әуе компаниясымен хабарласып немесе alaport.com ресми сайтындағы онлайн-табло арқылы өз рейсінің мәртебесін нақтылап алуға кеңес береді.
Фото: Әлеуметтік желіден
