2025 жылдың басында қазақстандықтардың банк алдындағы жалпы қарызы 24,8 триллион теңгеге жетіп, бір жылда 19,8%-ға өскен. Дегенмен, бұл өсім қарқыны өткен жылмен салыстырғанда бәсеңдеген, деп хабарлайды Zhaiyqmedia ақпарат агенттігі.
Жалпы қарыздың басым бөлігін, яғни 16,7 трлн теңгені тұтынушылық несиелер құрайды, оның өсімі 21%-ды көрсетті. Ал ипотекалық несие көлемі 14,6%-ға артып, 6,9 трлн теңгеге жетті.
Несие нарығындағы негізгі қозғаушы күш – автонесие болды. Бір жыл ішінде бұл бағыт 42,4%-ға өсіп, жалпы көлемі 4 трлн теңгеге жеткен.
Мамандар несие портфелінің сапасы әзірге тұрақты екенін айтады. 90 күннен астам уақыт мерзімі өткен қарыздардың үлесі 3,6%-ды (1,6 трлн теңге) құрайды. Халықтың несиелері арасындағы проблемалық қарыз көрсеткіші 4,3%-ға (1,1 трлн теңге) тең.
