Сурет:inbusiness.kz
Қазақстанда медициналық көмек пен медициналық сақтандыру жүйесі (МӘМС) бойынша ең нақты әрі сенімді ақпаратты тек ресми көздерден алуға болады. Бұл – емхана мен аурухана деңгейіндегі қызмет, диспансерлеу, дәрі-дәрмекпен қамтамасыз ету, госпитализациялау, медициналық көмектің сапасы және медициналық персонал тарапынан болған бұзушылықтар мен шағымдарды қоса алғанда, барлық маңызды мәселелерге қатысты.
Ресми ақпарат алу үшін келесі арналарды пайдалануға болады:
- 1414 – Бірыңғай байланыс орталығы, мұнда МӘМС және медициналық қызмет туралы сұрақтарға нақты жауап алуға болады.
- SAQTANDYRYBOT – Telegram-бот, сақтандыру жағдайлары мен емделу мүмкіндіктері бойынша жылдам ақпарат береді.
- QOLDAU 24/7 – мобильді қосымша, қолданушыларға жеке жағдайларын бақылауға және кеңес алуға мүмкіндік береді.
- EGOV.KZ және EGOV MOBILE – электрондық үкімет порталы мен мобильді қосымшасы арқылы МӘМС жүйесіне қатысты толық ақпаратқа қол жеткізуге болады.
- Тіркелген емханаңызда – тікелей тіркеу орны немесе жауапты мамандар арқылы, өзіңізге қажетті ресми ақпаратты алуға болады.
Медициналық көмек пен МӘМС жүйесі туралы кез келген ақпарат тек осы ресми арналардан алынған жағдайда сенімді болып саналады. Азаматтарға тек ресми дерек көздеріне жүгіну ұсынылады, сонда ғана өз денсаулығы мен медициналық құқықтарын қорғай алады.
