Алматыдағы тарихи матчта Мбаппе хет-трик жасап, Камавинга төртінші голды соқты

Алматыдағы Орталық стадионда УЕФА Чемпиондар лигасының жалпы кезеңіндегі ең көп күткен ойындардың бірі – «Қайрат» пен мадридтік «Реал» арасындағы кездесу өтіп жатыр. Матчқа дейін-ақ қалада нағыз футбол мерекесі орнады: корольдік клубтың ұшағын әуежайдан жүздеген қазақстандық жанкүйер күтіп алды, ұлттық аспаптарда Чемпиондар лигасының гимні орындалып, ойыншыларға жылы лебіздер айтылды.

Ойын сағат 21:45-те басталды. Бірінші таймда 25-минутта Килиан Мбаппе пенальтиден есеп ашып, «Реалды» алға шығарды – 0:1. «Қайраттың» 18 жастағы қақпашысы Шерхан Қалмұрза бірнеше қауіпті соққыны қайтарып, қонақтардың шабуылдарын тосқауылдап, жанкүйерлердің қошеметіне бөленді.

Екінші таймда Мбаппе тағы екі мәрте мергендік танытып, хет-трик авторы атанды (2:0 және 3:0). 67-минутта арбитр «Қайратқа» пенальти белгіледі, алайда VAR қарағаннан кейін шешімін өзгертіп, он бір метрлікті жойды.

72-минутта «Реалдың» жартылай қорғаушысы Эдуарду Камавинга дәл соққымен есепті 4:0-ге жеткізді.

Стадионда 30 мыңнан астам жанкүйер жиналып, бір жағынан қазақстандық клубты қолдап, екінші жағынан әлемдік жұлдыздарды көзбен көруге асықты. Әлеуметтік желілерде тікелей эфирлер, фотолар мен видеолар тарауда.

Ойын алдында «Қайрат» қорғаушысы Егор Сорокин «Мбаппені тоқтатуға тырысамыз» десе, бас бапкер Рафаэль Уразбахтин «Реалдың» осал тұстарын таптық» деп мәлімдеген еді. Қақпашы Шерхан Қалмұрза да бірнеше рет қауіпті соққыны тойтарып, жанкүйерлердің сүйіктісіне айналып үлгерді.

Қазіргі уақытта есеп – 4:0, «Реал Мадрид» алда келеді. «Қайрат» футболшылары тарихи қарсыласына қарсы барын салып ойнауда. Матч Алматы уақытымен түн ортасына дейін жалғасады.

Соңы 5:0,аяқталды

Бердалы Ораз