Орал қаласының әкімі Мұрат Байменов халық санының өсуіне байланысты жаңа мектептер салудың маңыздылығын атап өтті. Әкімнің айтуынша, бұл бағытта ауқымды жұмыстар жүзеге асып жатыр және «Келешек мектептері» жобасы білім саласындағы басты серпінге айналды.

2024 жылдың соңына қарай Деркөл кентінің Сарыарқа шағын ауданында 1 500 орындық жаңа мектеп қолданысқа беріледі. Ал биыл жыл басында Зачаган кентінің Балауса шағын ауданында дәл осындай көлемдегі тағы бір мектеп ашылды.

Бұған қоса, Зачаган кентіндегі «Медколледж» ауданында 600 орындық мектептің құрылысы аяқталуға жақын. Бұл нысандар оқушы орындарының тапшылығын айтарлықтай азайтып, ата-аналардың көптен күткен мәселесін шешпек.

Сонымен қатар, «КПО б.в.» компаниясының әлеуметтік міндеттемелері аясында №9, №11, №17 және Д.Нұрпейісова атындағы музыкалық мектепке күрделі жөндеу жүргізілді.

Мұрат Байменовтің айтуынша, қаладағы білім инфрақұрылымын жаңарту жұмыстары алдағы жылдары да жалғасын табады.