Жалпы, өңдеуге жататын жер көлемі 13 мың гектардан астам. БҚО энергетика және тұрғын үй-коммуналдық шаруашылық басқармасының мәліметінше, мердігер жеке кәсіпкер  «Танкеев Б.А.» Орал қаласында профилактикалық дезинсекция жүргізу жұмысын ұтып алған. Биыл бұл бағыттағы шараларға 81,6 миллион теңге бөлінді.

– Сәуір айынан бастап мердігер маса-шіркей дернәсілдері шоғырланған жерлерді анықтап, аспалы бүріккіш арқылы өңдеу жұмысын жүргізуде. Сонымен қатар, мамыр айының ортасынан масаның қанаттанған кезеңінде улау жұмысы басталды.  Профилактикалық дезинсекция ауа-райына және энтомологиялық көрсеткіштерге сәйкес көктемгі-жазғы маусымда жүргізіледі -, деп хабарлады ведомстводан.

Күні бүгін тоғай ішінде, орман алқаптарында, өзен жағаларында, сондай-ақ саябақтар мен алаңдарда кешкі күн батқаннан күн шыққанға дейін улау жүргізілуде. Жұмыстың тиімділігі 90% асқанда жұмыс қанағаттанарлық деп бағаланады. Жұмыс сапасы төмен болса мердігер қайта өңдеуді жүзеге асырады.