Орал қаласында – Жұмысшы мамандықтар жылы аясында ұйымдастырылған республикалық «Алтайдан Оралға дейін» велошеруінің салтанатты жабылу рәсімі өтті.
26 мамыр күні Шығыс Қазақстан облысы, Өскемен қаласынан бастау алған шеру еліміздің 7 өңірін бойлай өтіп, 13 күндік сапардан кейін Батыс Қазақстан облысына табан тіреді.
Айтулы шараға БҚО дене шынықтыру және спорт басқармасының басшысы Бақдәулет Сәбитов, БҚО білім басқармасының басшысы Елдос Сафуллин қатысты.
Велошеру жетекшісі, ҚР Туризм және спорт министрлігі Спорт және дене шынықтыру істері комитетінің «Спортты дамыту дирекциясы» спорттық іс-шараларды өткізу бөлімінің менеджері Азамат Оразов қатысушыларды құттықтап, ізгі тілектерін жеткізді. 
Шара соңында қатысушылар «Достық үйінде» өткен жиында, велошерудің нәтижелері сараланып, алдағы жоспарлар мен межелі мақсаттар жайлы ой бөлісті.
