Орал қаласында жамбы атудан жасөспірім ұлдар мен қыздар арасында Қазақстан Республикасының ХІ чемпионатының ашылу салтанаты өтті. Байрақты додаға Батыс Қазақстан облысымен қатар еліміздің 12 өңірінен келген ат үстіндегі жас мергендер қатысуда. Спортшылар мажар, жамбы, Азия және түркі стилі бойынша бақтарын сынайды. Ашылу салтанатына БҚО дене шынықтыру және спорт басқармасының басшысы Бақдәулет Сәбитов қатысып, спортшыларға сәттілік тіледі.  Жамбы атудан ел чемпионаты 30 маусымға дейін жалғасады.