Оралда техникалық спорт түрлерінің бірі — кеме үлгілерін жасау бойынша Қазақстан Республикасының XXV чемпионаты өтуде. Биыл бұл дода өңірімізде тұңғыш рет ұйымдастырылып отыр.
23-30 маусым күндері өтетін жарысқа Ақтөбе, Қарағанды, Қостанай, Ақмола облыстары мен Алматы қаласы және Батыс Қазақстан облысынан келген 60-қа жуық спортшы қатысуда. Жарыс барысында қатысушылар түрлі үлгідегі кеме макеттерін жасап, жылдамдық пен дәлдік, техникалық күрделілік бойынша сынға түседі. Жарыс дүниежүзілік NAVIGA ережесіме бекітілген 24 клас бойынша оздырылады.
«БҚО Кеме үлгілерін жасау спорты федерациясы» қоғамдық бірлестігі 2015 жылы 27 қарашада облыстық спорт басқармасының қолдауымен ашылған болатын. Федерация облыстық жарыстар өткізіп, құрама команда республикалық жарыстарда топ жарып келеді.
