Иранның бірнеше ірі қаласында бір уақытта қуатты жарылыстар болып, адамдар қаза тапты, деп хабарлайды Zhaiyqmedia ақпарат агенттігі.
Оқиға Тегеран, Бандар Аббас, Ахваз және Тебриз қалаларында болған. Алдын ала мәлімет бойынша, жарылыс салдарынан бір көлік пен үш тұрғын үй қирап, бірнеше адам қаза тапқан және жараланғандар бар.
Иран билігі оқиғаны тұрмыстық газдың жарылуы деп түсіндірді. Алайда, елдің әртүрлі аймағында жарты сағат ішінде төрт бірдей жарылыстың болуы бұл нұсқаға күмән келтіріп отыр.
Парсы тілді Telegram-арналар бұл оқиғаны Израильдің арнайы операциясы деп болжайды. Олардың жазуынша, бұл Ислам революциясы сақшылары корпусының (ИРСК) жоғары лауазымды тұлғаларына жасалған қастандық болуы мүмкін.
Өз кезегінде Израиль билігі бұл жарылыстарға ешқандай қатысы жоқ екенін ресми түрде мәлімдеді.
Фото: Әлеуметтік желіден
