Норвегияда орналасқан Iran Human Rights (IHR) құқық қорғау ұйымының мәліметінше, Ирандағы қақтығыстар кезінде қаза тапқандардың ресми тіркелген саны 648 адамға жетті, деп хабарлайды Zhaiyqmedia ақпарат агенттігі.
Алайда ұйымның болжауынша, шын мәнінде құрбандар саны әлдеқайда көп, тіпті алты мыңға дейін жетуі ықтимал. Интернеттің бұғатталуына байланысты көптеген ақпаратты растау мүмкін болмай отыр.
28 желтоқсанда елдегі экономикалық қиындықтардан басталған бұл наразылықтар қазір Иранның ислам билігіне төнген ең елеулі қауіптердің біріне айналды.
