Ирандық БАҚ Иорданияны АҚШ-пен әскери ынтымақтастығы үшін «стратегиялық нысана» деп атап, көршілес Біріккен Араб Әмірліктеріне де операциялар жоспарланып жатқанын жазды, деп хабарлайды Zhaiyqmedia ақпарат агенттігі.
Иранның мемлекеттік «Иран» газетінің хабарлауынша, ресми Тегеран АҚШ-тың әскери операцияларына қатысқаны үшін Иорданияға осылайша сес көрсетіп отыр. Басылым бұл тек Иорданиямен шектелмейтінін, Біріккен Араб Әмірліктеріне қарсы да арнайы операциялар әзірленіп жатқанын атап өтті.
Дереккөздердің мәліметінше, мұндай шаралар өз аумағында АҚШ-тың әскери базаларын орналастырған басқа да көрші елдерге қарсы дайындалуы мүмкін.
Сонымен қатар, Иран Парсы шығанағындағы АҚШ президенті Дональд Трамп пен оның отбасына тиесілі болуы ықтимал активтерді де ықтимал нысаналар қатарында қарастырып жатқаны белгілі болды.
Фото: Әлеуметтік желіден
