Танымал қазақстандық әнші Димаш Құдайберген Нью-Йорктегі әлемге әйгілі Madison Square Garden сахнасында «Stranger» атты жеке концертін өткізетінін мәлімдеді. Бұл жаңалық Алматыда өткен фан-кездесу кезінде жария болды, деп хабарлайды ZhaiyqMedia.
Концерт 2025 жылдың 5 қарашасында өтеді. Бұл — Димаштың АҚШ-тағы ең ірі алаңдардың бірінде алғаш өнер көрсетуі болмақ.
Бұған дейін «Stranger» турының Барселона, Берлин, Лондон және Рига қалаларында өтетіні хабарланған.
Кездесу барысында әлеуметтік желілерде «Балқадиша» әнін татамиде орындап танымал болған 14 жастағы Иса Бекболат та сахнаға шықты. Ол Almaty Arena-да жиналған 8 мың көрерменнің алдында алғаш рет өнер көрсетті. Димаш оған сәттілік тілеп, қолдау білдірді.
📸 Фото: Александр Павский / Kazinform
