Қазақстанда электронды банк қызметтеріне жаңа талаптар енгізілді. Енді ірі ақша аударымдарын жасау үшін биометриялық сәйкестендіруден өту міндеттеледі. Бұл киберқылмыскерлерден қорғану үшін қабылданған шара, деп хабарлайды Zhaiyqmedia.kz ақпарат агенттігі.
Жаңа ережелер бойынша, банк клиенттері жоғары соманы аударғанда бет-әлпетін немесе дауысын растауы тиіс. Бұл әдіс алаяқтардың сіздің атыңыздан операция жасауына жол бермейді.
«Биометриялық деректерді қолдану қауіпсіздікті бірнеше есе арттырады. Енді ешкім сіздің пароліңізді білсе де, ақшаңызды ұрлай алмайды», — деді Қаржы нарығын реттеу агенттігінің өкілі.
Қазіргі уақытта бұл талап тек ірі аударымдарға қатысты. Ұсақ сомаларды әдеттегідей аударуға болады. Алайда мамандар алдағы уақытта биометриялық сәйкестендіруді барлық операцияларға енгізу жоспарланып отырғанын айтады.
