Қарағанды облысында жоспарлы оқу-жаттығу кезінде Су-30СМ әскери ұшағы құлады, деп хабарлайды Zhaiyqmedia ақпарат агенттігі.
Бұл туралы Қорғаныс министрлігінің баспасөз қызметі мәлімдеді. Оқиға 25 ақпан күні болған. Экипаж мүшелері дер кезінде катапульта жасап үлгерген.
Ұшқыштардың өмірі мен денсаулығына еш қауіп жоқ. Қазір олар медицина мамандарының бақылауында.
«Оқиғаның себептері мен мән-жайын анықтау үшін арнайы комиссия құрылды. Тергеу нәтижелері бойынша құқықтық баға беріліп, тиісті процессуалдық шешім қабылданады», — делінген министрлік хабарламасында.
Ведомствоның хабарлауынша, ұшақ құлаған аудан қоршауға алынған. Тұрғындар мен инфрақұрылым нысандарына қауіп төнген жоқ.
Фото: Әлеуметтік желіден
