Испанияда 16 жасқа дейінгі балалардың әлеуметтік желілерді пайдалануына толық тыйым салынады. Премьер-министр Педро Санчес кәмелетке толмағандарды цифрлық ортаның қаупінен қорғауға бағытталған ауқымды реформаны жариялады, деп хабарлайды Zhaiyqmedia ақпарат агенттігі.
Жаңа заңға сәйкес, үкімет әлеуметтік медиа платформаларын қолданушының жасын тексеретін қатаң жүйелерді енгізуге міндеттейді. Бұл шара жасөспірімдерді ешкім бақыламайтын «цифрлық әлемнің» теріс ықпалынан сақтау үшін қабылданып отыр.
Сонымен қатар, әлеуметтік желі басшылары заңсыз контент пен араздықты қоздыратын материалдардың таралуына жеке жауапкершілік арқалайды. Алгоритмдерді астыртын басқарып, манипуляция жасау қылмыстық іс ретінде қаралады.
«Балалар заң талаптары жиі ескерілмейтін кеңістікте жалғыз қалмауы керек», – деді Педро Санчес. Ол Еуропаның басқа елдерін де осы бастамадан үлгі алуға шақырды.
Фото: Әлеуметтік желіден
