Қазақстан футбол федерациясы ұлттық құрамаларға арналған жаңа ойын формасын ресми түрде таныстырды, деп хабарлайды Zhaiyqmedia.kz ақпарат агенттігі.
Жаңа форманың дизайнында ұлттық ою-өрнектер мен заманауи спорт стилі үйлескен. Бұл – бұрынғы нұсқалардан ерекшеленетін тың шешім. Федерация өкілдерінің айтуынша, форма ойыншылардың жайлылығын арттыру үшін арнайы материалдардан тігілген.
«Біз бұл форманы жасау барысында еліміздің мәдени кодын сақтауға тырыстық. Ою-өрнектер – біздің тарихымыздың бір бөлігі, ал заманауи кесік спортшыларға еркін қимылдауға мүмкіндік береді», – деді ҚФФ өкілі.
Жаңа форма ұлттық құраманың алдағы ойындарында сынақтан өтеді. Жанкүйерлер оны матчтарда көре алады.
