2025 жылғы 17-21 тамыз аралығында Ақтау қаласында өтіп жатқан дәстүрлі садақ атудан әлем чемпионатында батысқазақстандық спортшы жеңіске жетті.

Батыс Қазақстан облысының атынан қатысқан жас мерген Эльнара Серікова 16-17 жас аралығындағы спортшылар арасында «Қалқан» нысанасы бойынша үздік нәтиже көрсетіп, әлем чемпионы атанды.

Маңғыстау облысының орталығында өтіп жатқан байрақты бәсекеге Қырғызстан, Өзбекстан, Ресей мен Қазақстан құрамасы қатысып жатыр. Құралайды көзге атқан 70 астам мерген додада бақ сынауда.