Әлем жұртшылығын елең еткізген ерекше оқиға Колумбияның Кордова департаментіне қарасты кіші Серете қаласында болды.
Жергілікті отбасы жаңа туған қыздарына “Чат Йипити Бастидас Герра” деп ат қойды. Олар мұны “жаңа технологиялар мен жасанды интеллект дәуіріне құрмет” деп түсіндірген.
Бұл шешім тек жергілікті БАҚ-та ғана емес, әлемдік ақпарат құралдарында да тез тарап, қызу пікірталас тудырды.
Қоғамдағы реакция
Көптеген интернет қолданушысы мұндай есімнің болашақта балаға ауыр тиіп, түрлі қиындықтар әкелуі мүмкін екенін айтты.
Алайда, кейбіреулер ата-ананың шешімін құптап, бұл есімді ерекше әрі есте қаларлық деп бағалады.
Заңдық шектеулер
Айта кетейік, Колумбия заңында белгілі бір есімдерге ресми тыйым салынбаған. Дегенмен, Ұлттық реестр қызметкерлері таңдалған есім қорлау немесе баланың беделіне нұқсан келтіреді деп санаса, тіркеуден бас тартуға құқылы.
