Атырау қаласының әкімі Шәкір Кейкин Алмалы ауылдық округінің тұрғындарымен кездесіп, өзекті мәселелерді талқылады.
Жиында қала басшысы алдымен округте атқарылып жатқан жұмыстар туралы баяндап, негізгі жобалардың барысын түсіндірді. Кейін тұрғындар жаяу жүргіншілер жолдарын төсеу, қоғамдық көліктерді көбейту, денсаулық сақтау қызметінің сапасын жақсарту, ауылды абаттандыру және жазғы су желісіне қатысты ұсыныстарын жеткізді.
Шәкір Кейкин әр ұсыныстың заң аясында кезең-кезеңімен қарастырылып, шешімін табатынын атап өтті. Кездесу Алмалы ауылдық округі әкімдігінің ресми әлеуметтік желі парақшасында тікелей эфирде көрсетілді.
сурет: Атырау әкімдігі
