Ақ үй басшысы Дональд Трамп Нигерия билігіне христиандарға қарсы қырғынды тоқтатпаса, АҚШ әскери қимылдарға баруы мүмкін екенін мәлімдеді. Ол Нигерияны «ерекше алаңдаушылық тудырған ел» деп атап, бұл мемлекетке берілетін көмек тоқтатылуы ықтимал екенін айтты.
Бұған дейін Қорғаныс министрі Пит Хегсет те Нигерия үкіметін ескертіп, елдегі діни қақтығыстарды тежеу үшін нақты шаралар қабылданбаса, АҚШ лаңкестікке қарсы күш қолданатынын хабарлаған.
Трамп Пентагонға Нигериядағы христиандарды қорғауға бағытталған әскери жоспар дайындауды тапсырғаны да белгілі болды.
Ал Нигерия үкіметі мұндай айыптауларды жоққа шығарып, елде жаппай қырғын жоқ екенін және АҚШ-пен ынтымақтастықты жалғастыруға ниетті екенін мәлімдеді.
