Қоғам белсендісі Санжар Боқаев Алматыдағы қоғамдық көліктердің басым бөлігінде катализатор жоқ екенін айтты. Айтуынша, экологиялық талапқа сай құрылғыларды автобус жүргізушілері емес, олардың бастықтары өздері кесіп, сатып жіберетін көрінеді.
Айта кетейік,катализатор – көліктен шығатын улы газды бейтараптандыратын негізгі құрылғы. Ол болмаған жағдайда қозғалтқыш түтіні бірнеше есе зиянды болады.
Белсендінің айтуынша, Алматыдағы ауа сапасы жылдан жылға нашарлап барады. «Миллион тұрғыны бар мегаполисте әр автобус түтін шығарып тұрса – бұл жай салақтық емес, экологияға төндірген қауіп», – деді ол.
