Актриса Гүлбаушан Тілеубекова ажырасу себебін ашық айтты,-деп хабарлайды Жайықмедиа.кз.
Белгілі актриса Гүлбаушан Тілеубекова алғаш рет отбасылық өміріндегі сырын ашты. Ол «Алғашқы» бағдарламасына берген сұхбатында күйеуімен ажырасуына басты себеп болған жайтты айтып берді, деп хабарлайды Халық Үні.
Актрисаның сөзінше, шаңырақтың шайқалуына енесімен арадағы түсініспеушілік түрткі болған:
«Мықты жігіт, зергер еді. Біз аз тұрдық. Қызым кішкентай кезінде ажырастық. Енем маған: «Әртіс болма, мұғалім бол» деді. Мен: «Әке-шешем 7 жыл оқытты, қалай боламын? Мен сахнаға шығуым керек» дедім. Бірақ ол кісі: «Сен шықпа, болмайды» деп үзілді-кесілді айтты. Былайша айтқанда, енем бізді ажыратты», – деді Гүлбаушан Тілеубекова.
Актрисаның айтуынша, оның өнер жолын таңдауы мен сахнаға деген махаббаты отбасы үшін басты кикілжіңге айналған.
