Президент Қасым-Жомарт Тоқаев жасанды интеллект саласындағы екі ірі байқаудың жеңімпаздарын марапаттады. Бұл – жасанды интеллект шешімдерін әзірлеуге арналған «Alem.ai battle» ұлттық байқауы және мемлекеттік органдар арасындағы «AI Governance Cup», деп хабарлайды Zhaiyqmedia.kz ақпарат агенттігі.
Марапаттау рәсімі Астанада өтті. Мемлекет басшысы өз сөзінде жасанды интеллектті дамытудың маңызына тоқталды.
«Біз AI саласындағы стартаптар мен мемлекеттік қызметтегі инновацияларды қолдауға мүдделіміз. Бұл байқаулар еліміздің технологиялық әлеуетін көрсетті», – деді Тоқаев.
«Alem.ai battle» байқауында үздік атанған командалар үлкен ақшалай сыйлықтар мен гранттарға ие болды. Ал «AI Governance Cup»-та мемлекеттік органдар өздерінің AI жобаларын ұсынып, жеңімпаздар анықталды.
Байқауларға еліміздің түкпір-түкпірінен жүздеген өтініш келіп түскен. Қазылар алқасы жобалардың тиімділігі мен инновациялық деңгейін бағалады.
