Қазақстанда жаңадан құрылатын Халық кеңесі мен Вице-президент институтын қаржыландыру көзі белгілі болды. Бұл туралы Премьер-министрдің орынбасары – Ұлттық экономика министрі Нұрлан Байбазаров мәлімдеді, деп хабарлайды Zhaiyqmedia.kz ақпарат агенттігі.
Министрдің айтуынша, екі құрылым да республикалық бюджеттен қаржыландырылады. Яғни, қосымша салық немесе басқа да кіріс көздерін іздеудің қажеті жоқ.
«Біз бұл шығындарды бюджеттік жоспарлау аясында қарастырып жатырмыз. Қазірдің өзінде қажетті қаражат көзделген», – деді Байбазаров.
Еске сала кетейік, бұған дейін Президент Қасым-Жомарт Тоқаев Халық кеңесі мен Вице-президент институтын құру туралы бастама көтерген еді. Бұл ұсыныстар конституциялық реформа аясында жүзеге аспақ.
Алдағы уақытта нақты қаржыландыру көлемі мен штат саны белгіленетін болады.
