Журналист Гүлбану Әбенова депутат Ардақ Назаровты ашық жекпе-жекке шақырды,-деп хабарлайды Жайықмедиа.кз.

Белгілі журналист Гүлбану Әбенова әлеуметтік желідегі жазбасында Мәжіліс депутаты Ардақ Назаровты тікелей эфирге қосылып, халықтың көкейіндегі маңызды сұрақтарға жауап беруге шақырды.

– «Мен, журналист ретінде, сізді ММА ережесі бойынша ашық жекпе-жекке шақырамын. Шығыңыз тікелей эфирге – сол біздің октагонымыз болсын! Сөз жеткілікті. Бос әңгімеден, ертегіден және күмәннен шаршадық. Халыққа көп уәде бердіңіз, көп сөз айттыңыз. Енді сөз емес, іс қажет. Тікелей эфирде менің сұрақтарыма жауап беріңіз: сіздің біліміңіз, еңбек жолыңыз, өмірбаяныңыз – бәрі халық алдында ашық айтылсын», – деп жазды журналист.

Сондай-ақ ол Назаровқа «қолғаптың орнына» өзінің дипломдарын және студент кезіндегі суреттерін ала келуді ұсынды.