АҚШ президенті Дональд Трамп Ұлыбританияға сапары кезінде Ресей басшысы Владимир Путинге көңілі қалғанын мәлімдеді. Ол бастапқыда Украинадағы соғысты «ең жеңіл реттелетін қақтығыс» деп ойлағанын, бірақ келіссөздер айлап жүргізілгенімен, еш нәтиже бермегенін айтты.
«Адамдар қырылып жатыр. Мен мұны тоқтатуға міндеттімін. Біз жеті соғысты тоқтаттық, олар шешілмейтіндей көрінген еді. Ал ең оңайы деп ойлағаным – Путинмен қарым-қатынас болатын. Бірақ ол мені қатты ренжітті», – деді Трамп.
АҚШ президенті сонымен қатар Батыс одақтастарын Ресей мұнайын сатып алмауға шақырып, Путинді келіссөзге мәжбүрлеу қажеттігін атап өтті. Дегенмен, әзірге Вашингтон Мәскеуге қарсы қосымша жеке санкциялар енгізген жоқ.
