NASA 50 жылдан астам уақыттан кейін алғаш рет астронавтарды Айға бағытталған миссияға жіберді. «Артемида-2» деп аталатын тарихи сапар Флоридадағы ғарыш айлағынан сәтті ұшырылды, деп хабарлайды Zhaiyqmedia ақпарат агенттігі.
Orion ғарыш кемесінің бортында төрт астронавт бар: Рид Уайзман, Джереми Хансен, Кристина Кох және Виктор Гловер. Оларды Жер орбитасына аса ауыр Space Launch System зымыраны алып шықты.
Жоспар бойынша ұшу сапары 10 күнге созылады. Осы уақыт ішінде экипаж Айды айналып өтіп, Жерге оралады. Бұл – болашақта Ай бетіне адамды қайта қондыруды көздейтін ауқымды миссиялар алдындағы маңызды сынақ.
«Артемида-2» миссиясы 1972 жылы аяқталған «Аполлон» бағдарламасынан бері адамзаттың Жер серігіне жасаған алғашқы сапары ретінде тарихта қалмақ.
Фото: Әлеуметтік желіден
