«Қазгидромет» дерегінше, жаңа жылдың алғашқы күні еліміздің көп бөлігінде қар мен боран күтіледі. Атмосфералық фронттардың өтуіне байланысты бұл күні жел де күшеюі мүмкін.
Солтүстік-батыс өңірлерде қалың қар жаууы ықтимал. Ал оңтүстік пен оңтүстік-шығыста жаңбыр аралас қар жауады, кей жерлерде тұман түсіп, көктайғақ болады.
Бұл туралы Zhaiyqmedia.kz ақпарат агенттігі хабарлайды.
Синоптиктер жолдардың тайғақ болуын және желдің күшеюін ескере отырып, жүргізушілер мен жаяу жүргіншілерге сақ болуды ескертеді.
1 қаңтарда еліміздің ірі қалаларында ауа райы қандай болады?
Астана: Бұл күні аспан бұлтты болады. Жауын-шашын жоқ. Алайда көктайғақ болуы мүмкін. Түнде −10–12 °C, күндіз −7–9 °C.
Алматы: Аспан бұлтты, жаңбыр аралас қар жауады. Тұман түсіп, көктайғақ болуы ықтимал. Ауа температурасы түнде 0…+2 °C, күндіз де шамамен сол деңгейде сақталады.
Шымкент: Бұл қалада жауын-шашын болмайды. Бірақ тұман болуы мүмкін. Түнде ауа температурасы 0…–2 °C, күндіз +5–7 °C шамасында болады.
Жолда абай болыңыз
Көктайғақ пен тұман салдарынан көлік қозғалысы қиындауы мүмкін. Әсіресе, елорда мен мегаполистерде күннің суытуы мен желдің күшеюіне байланысты жолда мұқият болу маңызды.
